Blue Jeans.

Gaur egungo Espainiako idazleekin bukatzeko, Blue Jeansi buruz hitz egingo dugu.

Francisco de Paula

Francisco de Paula Fernándezek Blue Jeans ezizenarekin idazten du. Sevillan jaio zen 1976an eta Kazetaritzan lizentziaduna da. Kirol-kazetaritzan egin zuen Master bat, eta zenbait komunikabideetan lan egin zuen, baina arrakastarik gabe. Gainera, idazten hasi baino lehen, futbol salako talde bat entrenatzen zuen.
Idazle bezala blog batean hasi zen, Canciones para Paula istorioaren kapituluak eskegitzen, ondoren bere lehenengo liburua izango zena.
Bere liburuak hain arrakastatsuak izan dira, ezen pelikula bat egin duten liburu batean oinarrituta, El club de los incomprendidos. 


Liburuak
- Canciones para Paula saga: Canciones para Paula, ¿Sabes que te quiero? eta Cállame con un beso. 
- El club de los incomprendidos saga: ¡Buenos días, princesa!, No sonrías que me enamoro, ¿Puedo soñar contigo?, Tengo un secreto. El diario de Meri, eta El club de los incomprendidos. 
- Algo tan sencillo como tuitear te quiero.



Informazio gehiago jakin nahi baduzue, bere sare sozialak uzten dizkizuet.
Webgunea: http://www.lawebdebluejeans.com/
Twitter: https://twitter.com/franciscodpaula
Facebook: Blue Jeans.
Instagram: https://www.instagram.com/franciscodpaula/
Youtube: https://www.youtube.com/channel/UCV_k6cj8A_u9XdKs1ipn7Yg

Laura Gallego García.

Gaur egungo Espainiako idazleekin jarraituz, Laura Gallego Garcíari buruz hitz egingo dugu.


Laura Gallego García

Valentzian jaio zen 1977an, eta Hispaniar Filologian lizentziaduna da. 1999an "El Barco de Vapor" saria irabazi zuen Finis Mundi luburuarekin. Hiru urte geroago, sari berdina irabazi zuen La leyenda del Rey Errante liburuarekin. Argitaratuako lanak 27 gazte nobela eta haur ipuin batzuk dira. Espainian soilik milioi bat baino gehiago saldu ditu, eta bere lanak 16 hizkuntzatara itzuli dira. 2011 "Cervantes Chico" saria jaso zuen bere lan guztiengatik, eta 2012an "Premio Nacional de Literatura Infantil y Juvenil" Donde los árboles cantan liburuarengatik.


Beste generoetako lanak idazten dituen arren, fantasian aditua da. Gazte literatura idazten du bereziki, baina haur literaturako zenbait lan ere egin ditu.

Haurrentzako ipuinak
- ¿Dónde está Alba?
- Alba tiene una amiga muy especial.
- Max ya no hace reír. 
- El Cartero de los Sueños.
- Un fantasma en apuros.

Sagak
- Crónicas de la Torre: El Valle de los Lobos, La maldición del Maestro, La llamada de los muertos eta Fenris, el elfo.
- Memorias de Idhún: La Resistencia, Tríada eta Panteón.
- Ahriel: Alas de fuego eta Alas Negras.
- Sara y las Goleadoras: Creando equipo, Las chicas somos guerreras, Goleadoras en la Liga, El fútbol y el amor son incompatibles, Las Goleadoras no se rinden eta El último gol.
- Aventuras por casualidad: Mago por casualidad eta Héroes por casualidad.

Liburu independienteak
- Todas las hadas del reino.
- Donde los árboles cantan.
- El libro de los Portales.
- Dos velas para el diablo.
- Finis Mundi.
- La leyenda del Rey Errante.
- El coleccionista de relojes extraodinarios.
- Las hijas de Tara.
- La emperatriz de los Etéreos.
- Mandrágora.
- La hija de la noche.
- Retorno a la Isla Blanca. 


Informazio gehiago jakin nahi baduzue, bere sare sozialak uzten dizkizuet.

Webgunea: http://www.lauragallego.com/
Twitter: https://twitter.com/_LauraGallego
Facebook: Laura Gallego.

Javier Ruescas.

Behin literatura klasikoa alde batera utzita, gaur egungo Espainiako idazle batzuk aurkeztuko dizkizuet hurrengo sarreretan. Orain irakurleen artean eragin handiena duten espainiar idazleetako batzuk dira. Gaur, Javier Ruescasi buruz hitz egingo dugu. 

Javier Ruescas

Madrilen jaio zen 1987. urtean eta Kazetaritzan lizentziaduna da. Idazlea izateaz gain, youtuber, argitaratzailea eta idazketa sortzaileko irakaslea da. Bere sare sozialak pertsonalki maneiatzen ditu, eta "El templo de las mil puertas" aldizkariaren sortzaileetako bat da.

Gainera, teknologia berriei, idazle gazteei eta Espainiako haur eta gazte literturaren egoerari buruzko nazioarteko hitzaldi askotan parte hartu du. 

Liburuak

Fantasia zein errealismo generoko liburuak idazten ditu. Batez ere, gazteentzako bideratuta daude, baina ez du alboratzen haurrentzako liburu bat idaztea hurrengo urteetan. 

- Cuentos de Bereth trilogia: Encantamiento de luna, La maldición de las musas eta Los versos del destino. 

- Tempus Fugit. Ladrones de almas. 

- Play trilogia: Play, Show eta Live.

- Pulsaciones. Francesc Mirallesekin idatzitakoa. 

- Las crónicas de Fortuna trilogia: El secreto del trapecista, El recuerdo del mago eta hirugarren liburu bat argitaratuko du, baina oraindik ez dakigu izenbururik. 

- El (sin)sentido del amor.

- Electro trilogia: Electro, Aura eta Némesis. Manu Carbajorekin idatzitakoak. 

Informazio gehiago jakin nahi baduzue, bere sare sozialak uzten dizkizuet.
Webgunea: http://www.javierruescas.com/
Twitter: https://twitter.com/javier_ruescas
Facebook: Javier Ruescas Sánchez.
Instagram: https://www.instagram.com/javier_ruescas/
Youtube: https://www.youtube.com/user/ruescasj

Liburu klasikoak.

Umeek istorio klasikoak irakurtzea oso zaila egiten zaigu. Egia esanda, niri ere zaila egin zitzaidan istorio hauek irakurtzen hastea, zaharrak zirela esaten nuelako. Gainera, horietako asko pelikula bihurtu dituzte. Orduan, errazagoa da pelikula ikustea liburua irakurtzea baino. 

Baina gaur egun, liburu klasiko batzuk berregin dituzte umeentzat erakargarriagoak izateko. Esaterako, Edebe argitaletxeak "Clásicos contados a los niños" kolekzioa sortu du. 

Bestalde, jadanik irakurtzea gustoko dutenentzat, hainbat liburu klasiko gomendatzen dituzte webgune hauek:

Diez clásicos de la literatura infantil.

Los mejores 10 libros clásicos para niños.

ANIMA ZAITEZTE IRAKURTZERA!

Ipuin klasikoak.

Bideo honetan, Javier Ruescasek gehien gustatzen zaizkion ipuinak aurkezten ditu istorio txiki bat kontatuz eta marraztuz. Horietako batzuk dira: Loti Ederra, Oz-eko magua, Aladdin, Errauskine, Otsoa eta zazpi antzumeak, Hiru txerritxoak, Hamelingo txirularia...

Ipuin guztiak zeintzuk diren asmatu ahal duzue? 
Zeintzuk dira gustokoen dituzuenak?

Zer da gazte literatura?

Gazte literatura, batez ere, gaztaroan dauden irakurleei bideratuta dago, baina ez bakarrik. Kontzeptu hau haur literaturarenari lotuta dago sarritan. Nahiz eta haur eta gazte literaturaren artean ezberdintasun handiak egon, normalean, gizartean biak batera aipatu ohi dira, hau da, haur eta gazte literatura esaten da. 

Literatura mota honek entretenimendua, didaktika eta irakurlearen irakurketa ohitura garatzeko funtzioa jaso ohi du. 

Jorratzen diren gaiak helduen literaturan jorratzen diren bezalakoak dira, hau da, maitasuna, tragedia, guda, distopiak ... Hala ere, pertsonaien tratamendua askoz linealagoa da, bere atal psikologikoan aldaketa nabarmenik ez baitituzte. Garrantzia handiagoa ematen zaio ekintzari pertsonaien karakterizazio psikologikoari baino. Era berean, pertsonaiak sortu ohi dira irakurleak identifikatuta sentitzeko, batez ere, pertsonaia nagusiekin. Zenbait idazlek diote literatura honen gaiak kontu handiz aukeratu behar direla, garai honetan, irakurleengan eragitea oso erraza delako. Horregatik, gai generiko bezala, pertsonaia nagusiaren identitatearen bilaketa agertu ohi da. 

Zer da haur literatura?

Haur irakurleentzat bideratuta dagoen literatura da. Batez ere, irakurleek ondo pasatzea bilatzen du, umeen interesei erantzutearekin batera. Genero hau 0-9 urte tarteko umeentzat dela esan dezakegu. 


Literatura mota honen bi atal azalduko ditut bereziki: ezaugarriak eta generoak. 

Alde batetik, literatura mota honek zenbait ezaugarri adierazgarri dauzka. Adinaren arabera, ezaugarri hauen konplexutasun maila alda daiteke.

- Gaia: umea harekin identifikatuta sentitu behar da. 

- Idazkera eta estiloa: eskuragarria izan behar da, eta aldi berean, magikoa. Deskribapen argiak eta bizkorrak. Hiztegi anitza, egokia, zehatza eta irudimentsua. Erraza, esaldi laburrekin. Garrantzitsuena da pertsonaiek egunero hitz egiten duten moduan hitz egin behar dutela, hau da, aitak aita bezala, amak ama bezala...

- Egitura: erraza eta lineala izan behar da, hau da, hasiera, korapiloa eta amaierarekin.

- Espazioa: umearentzat ezagunak diren lekuetan garatu behar da.

- Denbora: finkoa izan behar da, hau da, ez dira denbora-jauziak egon behar lehenaldiaren eta etorkizunaren artean.

- Pertsonaiak: ezagunak izan behar dira umeentzat, eta protagonistarekin identifikatuta sentitu.

- Formatoa eta edizioa: iraunkorra eta malgua izan behar da, marrazki eta hizki handi eta deigarriekin. Testu gutxirekin.

- Balioak: kontzeptu unibertsalak eta positiboak tratatu behar dira, autokontzeptua eta autoestimua bezala. 

Beste aldetik, generoak lau taldeetan bana ditzakegu: dramatikoa, narratiboa, lirikoa eta didaktikoa.

- Dramatikoa: antzerkia, txotxongiloak, itzal-antzerkia...

- Narratiboa: ipuinak, elezaharrak, mitoak, eleberriak...

- Lirikoa: olerkiak, aho-korapiloak, neurtitzak, abestiak...

- Didaktikoa: asmakizunak, atsotitzak...

Zergatik irakurri?

Bideo honetan Sebas G. Mouretek azaltzen du zergatik hain garrantzitsua den irakurtzea.

Sebas Booktuber bat da, hau da, Youtubeko kanal bat dauka, non literaturari buruz hitz egiten duen. Kanala "El coleccionista de mundos" deitzen da, eta bertan hainbat motatako edukiak aurki ditzakegu.

Baina... zer da Booktube? Booktube Youtuben barruan existitzen den komunitatea da, eta gazteek bere bideoen bidez partekatzen dute bere zaletasuna liburu eta irakurketaz. Fenomeno hau duela zenbait urte hasi zen mundu anglosaxoian. Hala ere, duela urte pare batetik bere zabalkundea gaztelaniaz handitu egin da, bai Espainian bai Latinoamerikan, eta gehiago haztea espero da.

Gaur egun, pentsatu ahal dugu gazteen hurbilketa irakurketaren mundura gutxitu egin dela, baina gazte hauei esker, irakurleen komunitatea handitzen doa.

Honi buruz gehiago jakin nahi baduzue, hemen dago dokumental txiki bat: "Booktube: el documental".

Aurkezpena.

Kaixo lagunok!

Iratxe naiz, Lehen Hezkuntzako Graduko 2.mailako ikaslea Euskal Herriko Unibertsitatean.

Ongi etorri haur eta gazte literaturako blogera!

Hemen aurkituko duzuena literatura genero honekin erlazionatuta dauden sarrerak izango dira. Esaterako, erreseinak, bideoak, adinaren araberako liburu gomedioak...

Espero dut zuen gustokoa izatea eta laster elkar ikustea.

Gera zaitezte!